- Проектот има за цел да ја зајакне улогата и видливоста на руралните граѓански организации, како и нивното влијание во креирањето на јавни политики и процеси на донесување одлуки на локално и национално ниво.
Сектор: 15150 – Зајакнување на граѓанското општество
Финансиран од: Европска Унија
Период на спроведување: 01.03.2017 – 31.08.2019
Износ придонесен од донаторот: 263,622.27 EUR
Општа цел:
Да се придонесе кон специфичната цел на повикот преку зголемување на влијанието и учеството на руралните граѓански организации (ГО) во развојот на јавните политики и процесите на донесување одлуки.
Ова ќе се постигне преку развивање на капацитетите на руралните ГО во застапување, лобирање, вмрежување и познавање на релевантните политики и процеси поврзани со нивната работа.
Специфична цел:
Да се зајакнат капацитетите на руралните ГО за вмрежување и застапување со цел да влијаат врз процесите на донесување одлуки на локално ниво.
Очекувани резултати:
- Подобрен трансфер на знаење помеѓу руралните ГО во врска со руралните предизвици и процесите на донесување одлуки.
- Изградени менаџерски капацитети на руралните ГО за водење процеси за рурален развој.
- Развиени истражувачки и аналитички способности на руралните ГО.
- Олеснет и унапреден дијалог помеѓу руралните ГО и локалните/националните власти.
Главни активности:
A.1. Идентификација и вмрежување на руралните граѓански организации
A.2. Градење капацитети на руралните ГО за политики за рурален развој
A.3. Истражувачки и застапувачки капацитети на руралните ГО A.4. Одржлив дијалог помеѓу руралните ГО и локалните/националните власти за рурален развој
