Проектот работи на унапредување на капацитетите на граѓанските организации и регионалната соработка на Западен Балкан за промоција на зелената економија, како и за јакнење на политичкото влијание на организациите што работат во земјоделството, руралниот развој и заштитата на животната средина.
Сектор: 15150 – Зајакнување на граѓанското општество
Локација: Северна Македонија, Србија, Хрватска, Босна и Херцеговина, Албанија, Црна Гора и Косово
Финансиран од: Европска Комисија
Буџетски линии: BGUE-B2016-22.020401 / BGUE-B2017-22.02040
Период на спроведување: 11.04.2018 – 31.03.2021
Буџет на акцијата: 1,071,269.00 EUR
Обезбедено од Европската Унија: 964,069.00 EUR (89.99%)
Општа цел:
Да се обезбеди поддршка за зајакнување на политичкото влијание на Балканската мрежа за рурален развој (БМРР) и нејзините членки, преку активно учество во реформските процеси на земјоделските и руралните политики, со цел воведување и промоција на концептот на зелена економија.
Специфични цели:
- Зајакнување на капацитетите на малите, локални граѓански организации во општа работа, застапување и вмрежување, за да ја исполнат својата улога како застапници за земјоделски и рурални реформи на транспарентен и отчетен начин.
- Воведување на концептот на зелена економија како иновативен, прекуграничен, претприемачки модел за рурална диверзификација и одржливост.
- Користење на развој на политики засновани врз докази и застапување засновано врз права од страна на БМРР и нејзините членки, со цел унапредување на процесите за приближување кон Заедничката земјоделска политика (EU CAP) и промоција на зелената економија.
Меѓурезултат:
Зајакнати вмрежувачки и застапувачки капацитети на БМРР, зголемено препознавање, проширено влијание и посилно учество во процесите на креирање политики.
Проектот се спроведува од седум партнерски организации од Западен Балкан и ЕУ, меѓу кои:
- Мрежа за рурален развој на Северна Македонија
- Мрежа за рурален развој на Босна и Херцеговина
- Мрежа на организации за рурален развој на Косово
- Мрежа за рурален развој на Црна Гора
- Мрежа за рурален развој на Србија
- Албанска мрежа за рурален развој
- Хрватска мрежа за рурален развој
Овој тригодишен проект започна во април 2018 година и работи на унапредување на улогата на БМРР во креирањето на политики и промоцијата на моделот на зелена економија во целиот регион.
Целни групи и корисници
Целни групи:
- 900 претставници на мали, локални граѓански организации
- Најмалку 7.000 различни засегнати чинители
- 200 мали граѓански организации – членки на партнерите
- 70 претставници на локални и национални медиуми
Директни корисници:
Граѓански организации активни во рурален развој, заштита на животната средина и природата.
Крајни корисници:
Руралното население, земјоделците, агробизнисите и претприемачите заинтересирани за вложување во зелена економија.
