Проектот работи на зајакнување на капацитетите, формализација и долгорочна одржливост на Балканската Мрежа за Рурален Развој (БМРР) како регионална платформа која го унапредува социјално-економскиот развој на руралните заедници во Западен Балкан, со посебен фокус на родова еднаквост и учество на руралните жени.
Финансиран од: We Effect
Период на спроведување: 01.03.2017 – 31.12.2020
Буџет на акцијата: 216,000.00 EUR (целосно финансирани од We Effect)
Опис на проектот
Мрежата за рурален развој на Северна Македонија ги координира активностите за развој на капацитетите на БМРР за да ја зајакне нејзината улога како клучен регионален актер во одржливиот рурален развој. Проектот е финансиски поддржан од We Effect и обезбедува трогодишна институционална поддршка за унапредување на управувањето, стратешкото планирање и организацискиот развој на БМРР и нејзините мрежни членки.
Активностите опфаќаат:
- градење и зајакнување на организациските капацитети,
- размена на добри практики,
- поддршка во развој и имплементација на стратегија и двегодишен акционен план,
- подобрување на перформансите, лидерството и учеството на БМРР во креирање јавни политики.
Општи цели на проектот:
- Зголемување на капацитетите на Мрежата за рурален развој на Северна Македонија (RDN of NM) за лидерска улога во БМРР и координација на регионални активности, со фокус на руралните жени.
- Формализација на БМРР како правно лице кое придонесува за одржлив социо-економски развој во руралните подрачја на Западен Балкан.
- Градење организациски капацитети на мрежите-членки на БМРР преку размена на добри практики.
- Поголемо учество на жени во структурата на БМРР и подобрена застапувачка работа на руралните жени.
Компоненти и резултати од проектот
Компонента 1: Формализација на БМРР
- Формализирани структури на БМРР како одговорна и отчетна организација за поддршка на руралните чинители.
- Зголемена вклученост на рурални жени во структурите на БМРР и во процесите на донесување одлуки.
Компонента 2: Градење капацитети на мрежите-членки
- Подобрени оперативни и менаџерски капацитети на БМРР.
- Подобрени институционални капацитети на мрежите-членки врз основа на претходни проценки.
- Зголемена организациска ефикасност и менаџерски капацитети на Мрежата за рурален развој на Северна Македонија.
Компонента 3: Воведување на LEADER пристап
- Зајакнати капацитети на мрежите-членки на БМРР за имплементација на LEADER пристап.
- Подобрени капацитети на постојните и потенцијалните Локални Акциски Групи (ЛАГ) како двигатели на локален рурален економски развој.
Корисници на проектот
- Мрежите-членки на БМРР
- Рурални чинители, рурални жени, ЛАГ групи и локални организации
- Поширока рурална заедница во Западен Балкан
Повеќе информации:
Посетете ја официјалната веб-страница на БМРР.
