Амбасадорката на САД во Северна Македонија, Н.Е. Анџела Агелер, и ВД. Директорот на Канцеларијата на УСАИД за економски развој, г. Кристофер Доџ, ги посетија децата во едукативниот центар и разговараа со градоначалникот на општина Босилово, г. Ристо Манчев, и жителите за предизвиците со кои тие се соочуваат и како истите може да се надминат.
![](../Post_Text_Editor_Images/36bfc16b-023c-4ecd-8da2-521c0f6fcc42_EditorPhoto_384100446_332429649171876_3942165717396292719_n_(1).jpg)
Членовите на локалната заедница, компании од приватниот сектор, локални граѓански организации и Програмата на УСАИД за развој на заедницата ги здружија своите сили во поставување и опремување на новиот предучилиштен едукативен центар „Огражденски пеперутки“ кој се наоѓа во селото Радово, општина Босилово.
![](../Post_Text_Editor_Images/158b0586-7213-45c5-9f80-f93aae803d7b_EditorPhoto_384100550_332429702505204_4902842010995399781_n.jpg)
Од почетокот на септември, околу 20 деца од регионот се запишаа во едукативниот центар. Поставувањето на центарот е поддржан од Програмата на УСАИД за развој на заедницата, која ја имплементираме во соработка со ЛАГ Беласица Огражден и останати четири Локални акциски групи.
![](../Post_Text_Editor_Images/e71385b4-c782-4a7f-b03d-5746fc135a8e_EditorPhoto_384197467_332429832505191_5569830335780592941_n.jpg)
Оваа активност е дел од Програмата на УСАИД за развој на заедницата, поддржана од Агенцијата за меѓународен развој на Соединетите Американски Држави (УСАИД).
Оваа вест е подготвена со поддршка на американскиот народ преку Агенцијата на САД за меѓународен развој (УСАИД). Содржината е одговорност на Мрежа за рурален развој на Северна Македонија и не ги изразува ставовите на Агенцијата на САД за меѓународен развој (УСАИД) или на Владата на Соединетите Американски држави.