Подржани проектни апликации за повик 0506-02 2020

Мрежата за рурален развој на СМ преку проектот проектот „Градење на капацитетите на МРР и нејзините членки“ финансиран од We Effect преку повик број 0506/02 – 2020 година, ќе ги поддржи проектните иницијативи на следните организации:

1. Рурална Коалициjа – „Родовата еднакост – клуч за економски силна рурална заедница”
2. Фондација за локален развој и развој на информатички технологии – (ФЛОРИТ) Гевгелија – “Избери здраво – купувај локално”
3. Здружение за рурален развој Локална Акциска Група МАЛЕШ-ПИЈАНЕЦ – „Малеш-Пијaнец е вашата следна дестинација”
4. Здружение за рурален развпј Локална Акципна Група АБЕР 2015, с.Старо Нагоричане – „Да го унапредиме постоечкиот енергетски систем во нашиот регион “
5. Здружение за развој, едукација и еколошка етика – ПОЛИМАТ 13 – „Еко разиграна сликовница”
6. Здружение Едукативен центар за зачувување на природата, с.Негрево, Пехчево – „Да ја откриеме природата”
7. Мрежа на Млади Фармери – ММФ с. Мешеишта Дебарца – „Одржлива мрежа на млади фармери за ревитализација на земјоделството и руралните средини”

Краток опис на проектни апликации за повик 0506 – 02 2020

Проект: Избери здраво – купувај локално

Имплементатор: Фондација за локален развој и развој на информатички технологии – (ФЛОРИТ) Гевгелија

Цел на проектот: овозможување на услови за зголемување на приходите на малите произведувачи на храна (фармери) и привлекување на нови фармери преку воведување на иновации во земјоделството и руралниот развој.

Резулатати:

• Воспоставен систем на директна продажба на малите производители на храна до потрошувачите;
• Изградена доверба кај потрошувачите за вредноста на локално произведената храна, вклучувајќи автентичност и безбедност на храна;
• Зголемена конкурентност на производителите преку пристап и употреба на најнови технологии и иновации, како и стекнати знаења за нивна употреба.

Проект: Родовата еднаквост – клуч за економски силна рурална заедница

Имплементатори: Рурална коалиција – Куманово и Здружение на жени фармери Моjа Фарма
Цел на проектот: Зголемување на влијанието на жените од руралните средини во процесите на креирање и донесување на jавни политики и одлуки.

Резултати:

• Мапирани економските предизвици со кои што се соочуваат жените во руралните средини вклучуваjќи ги и последиците предизвикани од кризата со Корона вирусот
• Зголемена информираност и видливост на родовиот економски jаз во руралните средини каj пошироката jавност
• Зголемени знаења и вештини за застапување за економско jакнење каj жените од руралните средини.

Проект: Малеш-Пијенец е вашата следна дестинација

Имплементатор: Здружение за рурален развој Локална Акциска  Група  МАЛЕШ-ПИЈАНЕЦ

Цел на проектот: Придонес за подобрување на условите за живеење во локалните заедници на територијата на ЛАГ Малеш Пијанец, и подобрување на локалната економија преку одржливо користење на природните ресурси во промоција на рурален туризам.

Резултати:

• Подготвени туристички понуди со интегриран пристап со вклучување на локалните понудувачи на услуги и производи, базиран на барањата на туристите /тур оператори.
• Тестирање и промовирање на креираните туристички понуди.

Проект: Да го унапредиме постоечкиот енергетски систем во нашиот регион

Имплементатор: Здружение за рурален развој Локална акциона група АБЕР 2015 с. Старо Нагоричане
Цел на проектот: Унапредување на постоечкиот енергетски систем, промовирање и реализирање на нови модули базирани на енергетската демократија во микрорегионот Липково – Куманово – Старо Нагоричане.

Резултати:

• Поголема информираност и едукација на локалните невладини организации и бизнис секторот преку соработка со меѓународни организации од ЕУ за унапредување на постоечкиот енергетски систем во регионот.
• Разработени предлози за измена на постоечките стратешки политики и документи базирани на докази.
• Иницирана и имплементирана постапка за усогласување на постоечки правен/и субјект/и за унапредување на постоечкиот енергетски систем во микрорегионот согласно ЕУ практики.

Проект: Еко разиграна сликовница

Имплементатор: Здружение за развој, едукација и еколошка етика ПОЛИМАТ 13
Цел на проектот: Подигнување на свеста кај децата и младите за значењето на чиста животна средина.

Резултати:

• Зголемени знаења и подобрени навики и однесувања кај децата и младите од општина Богданци за чиста животна средина.
• Зголемување на еколошките активности во градинките и основните училишта во општина Богданци.
• Зголемена свест кај воспитно – образовниот и раководен кадар од градинките и училиштата во општина Богданци за значењето на еколошките активности во образовниот процес.
•  

Проект: Да ја откриеме природата

Имплементатор: Здружение Едукативен центар за зачувување на природата с. Негрево
Цел на проектот: воспоставување на соработка со стручни лица од други организации, чија цел е еколошка едукација и заштита на животната средина за размена на искуства и добри практики за да се постигне успешна едколошка едукација на целните групи, која ќе придонесе кон поодговорен однос кон животната средина.

Резултати:

• Збогатување на содржините во Едукативниот центар преку разработени методи, приоди и содржини за едукацијаво природа во соработка со детските градинки.
• Со збогатување на понудата да се зголеми бројот на посетители од споменатите целни групи, со што ќе се влијае на подигање на еколошката свест и еколошка култура и свеста за лична одговорност кон природата.
• Зајакнати капацитети на Едукативниот центар во организирање и реализирање на работилници од областа на зачувување на природата, подготовка и реализација на планови и стратешки документи.

Проект: Одржлива Мрежа на млади фармери за ревитализација на земјоделството и руралните средини

Имплементатор: Мрежа на млади фармери с. Мешеишта
Цел на проектот: Мрежата на млади фармери да биде препознаена кај младите, која ги застапува интересите на младите земјоделци и младите од руралните средини и учествува во процесот на подобрување на условите на млдите фармери.

Резултати:

• Изработен правилник за работа на националниот тим, правилник за внатрешна комуникација, правилник за членство.
• Подобрени знаења и вештини на членките во специфични области за изработка на извештаи и механизам за внатрешно известување.
• Подобрени знаења и вештини на членките за финансиско управување во организацијата и финансиско известување.
• Развој на систем за информирање и комуникација со членките и општата јавност преку изработен веб информатор за годишните активности на ММФ и идни планирани активности.
• Развој на систем за информирање и комуникација со надградена и подобрена веб страна.
• Унапредено и подобрено работење на ММФ со запазени административни процедури и одржан годишен состанок.